• किशोर नेपाल

    विगत चार दशकदेखि निरन्तर नेपाली पत्रकारितामा रहेका किशोर नेपालले गोरखापत्र, नागरिक लगायतका अखबारहरुको सम्पादन गरेका छन् । नेपाली पत्रकारितामा एउटा ब्रान्डका रुपमा स्थापित उनी सशक्त निबन्धकार समेत हुन् । उनको संस्मरण ‘मेरो समय’फाइनप्रिन्टबाट प्रकाशित छ ।

    Click here to read an Extract

  • रामेश कोइराला

    ‘आमाको मुटु’संस्मरणका लेखक डा. रामेश कोइराला मुटु विशेषज्ञ हुन्। उनको पहिलो उपन्यास‘कोपिला आश्रम’फाइनप्रिन्टबाट प्रकाशित छ।

  • खगेन्द्र संग्रौला

    स्तम्भकार, उपन्यासकार र निबन्धकार खगेन्द्र संग्रौलाका ‘जूनकीरीको सङ्गीत’ र ‘फूलमाया’ उपन्यास तथा ‘घोडा, इश्वर र मेरा बा’,‘सम्झनाका कुइनेटाहरु’आदि निबन्धसङ्ग्रह प्रकाशित छन्। ‘आफ्नै आँखाको लयमा’का लागि पद्मश्री पुरस्कार (२०६८) पाएका उनको संस्मरण ‘बाल्यकालका पदचापहरु’ फाइनप्रिन्टबाट प्रकाशित हुँदैछ ।

  • विजय कुमार

    विजय कुमार बहुचर्चित टेलिभिजन कार्यक्रम ‘दिशानिर्देश’का प्रस्तोता हुन् । नेपाल साप्ताहिकका संस्थापक सम्पादक उनी स्तम्भकार पनि हुन् । उनको पुस्तक फाइनप्रिन्टबाट वर्षा याममा प्रकाशन हुँदैछ ।

  • बुद्धिसागर

    बुद्धिसागर सशक्त कवि तथा उपन्यासकार हुन् । उनका कविता सङ्ग्रहहरु ‘हज्जारौं पृथ्वी, हज्जारौं आकाश’ र ‘बुद्धिसागरका कविता’ तथा उपन्यास ‘कर्नाली ब्लुज’ प्रकाशित छन् । उनको दोस्रो उपन्यास ‘फिरफिरे’ फाइनप्रिन्टबाट शरद् याममा प्रकाशन हुँदैछ ।

  • नारायण ढकाल

    तीन उपन्यास, चार कथासङ्ग्रह, दुई बालकथासङ्ग्रह र दुई निबन्धसङ्ग्रह प्रकाशन गरेका नारायण ढकाल राजनीतिक टिप्पणीकारका रुपमा पनि चर्चित छन् । उनको उपन्यास ‘प्रेतकल्प’ले २०६५ सालको साझा पुरस्कार पाएको थियो । उनको कथासङ्ग्रह ‘इन्द्रजाल’ फाइनप्रिन्टबाट प्रकाशित हुँदैछ ।

  • कल्पना बान्तवा

    त्रि. वि. शिक्षण अस्पतालमा स्टाफ नर्स कल्पना बान्तवाका कथा, कविता, निबन्ध तथा संस्मरणहरु कान्तिपुर, नागरिक आदिमा प्रकाशित छन् । उनको पहिलो उपन्यास ‘कायाकल्प’ फाइनप्रिन्टबाट प्रकाशित हुँदैछ ।

  • युग पाठक

    अङ्ग्रेजीमा एमफिल गरेका युग पाठक सशक्त टिप्पणीकार हुन् । उनको पहिलो उपन्यास ‘उर्गेनको घोडा’ले किराँत एकेडेमी पुरस्कार प्राप्त गरेको थियो । उनको दोस्रो उपन्यास फाइनप्रिन्टबाट शिशिर याममा प्रकाशन हुँदैछ ।

  • मोहन मैनाली

    मोहन मैनाली पत्रकार तथा बहुचर्चित वृत्तचित्र ‘जोगीमाराका ज्यूँदाहरु’का निर्देशक हुन् । ‘उपल्लो थलो’ नियात्राका लेखक उनको अर्को नियात्रा फाइनप्रिन्टबाट प्रकाशित हुँदैछ ।

  • शिवानीसिंह थारु

    चर्चित टेलिभिजन कार्यक्रम ‘मेरो गीत, मेरो सन्देश’की प्रस्तोता शिवानीसिंह थारुको नाटक ‘भर्चुअल रियालिटी’ मन्चित छ । उनले बिबिसी मिडिया एक्सनको रेडियो नाटक ‘कथा मिठो सारङ्गीको’मा लेखक र उत्पादकको रुपमा काम गरेकी छिन् । उनको पहिलो उपन्यास फाइनप्रिन्टबाट शिशिर याममा प्रकाशन हुँदैछ ।

  • सुबिन भट्टराई

    ‘कथाकी पात्र’ कथासङ्ग्रहबाट नेपाली आख्यान क्षेत्रमा प्रवेश गरेका युवा आख्यानकार तथा कान्तिपुर साप्ताहिकका स्तम्भकार सुबिन भट्टराईको उपन्यास ‘समर लभ’ (२०६९) प्रकाशित छ । ‘समर लभ’को सिक्वेल फाइनप्रिन्टबाट प्रकाशित हुँदैछ ।

  • अमर न्यौपाने

    अमर न्यौपानेको पहिलो आख्यान ‘पानीको घाम’ले २०६६ सालको पद्मश्री सम्मान तथा बालकथासङ्ग्रह ‘कलिलो मन’ले २०६७ सालको पारिजात बालसाहित्य पाण्डुलिपि पुरस्कार प्राप्त गरेको थियो । उनको उपन्यास ‘सेतो धरती’ले २०६८ सालको मदन पुरस्कार र रामराज पन्त पुरस्कार प्राप्त गरेको थियो । उनको अर्को उपन्यास फाइनप्रिन्टबाट हेमन्त याममा प्रकाशन हुँदैछ ।

FEATURED TITLES



View all books

RECENT NEWS UPDATES

Tuin

 द्वन्द्वको घाउ र त्यसले निम्त्याएको पीडाको लेखाजोखा भने भइरहेकै छ, साहित्यमार्फत। त्यही द्वन्द्वको सेरोफेरोमा बुनिएको कथा हो, तुइन।
News Update / 27 February 2014
Read more

CONNECT